ՍՏԵՓԱՆԱՎԱՆԻ ԲՈՒՍԱԲԱՆԱԿԱՆ ԱՅԳԻ

Ստեփանավանի ,,Սոճուտ,, բուսաբանական այգին գտնվում է Լոռու մարզի Գյուլագարակ գյուղում, Ստեփանավան քաղաքից 12 կմ հեռավորության վրա, Երևանից 185 կմ հյուսիս, ծովի մակերևույթից 1450 մետր բարձրության վրա։

Այգին հիմնադրել է 1931 թվականին, լեհ ինժեներ-անտառագետ Էդմոն Լեոնովիչը։ Մինչև 1985 թվականը նա էր այգու տնօրենը։ 1985 թվականից այգու տնօրինությունն ստանձնեց նրա որդին՝ Ալեքսանդր Լեոնովիչը։։ Ընդհանուր տարածքը կազմում է շուրջ 35 հա։ Տարածքի կեսը բնական, կեսն՝ արհեստական անտառ է։

Բուսատեսակները ներկրված են ամբողջ աշխարհից։ Ստեփանավանի բուսաբանական այգում փորձարկվել են ավելի, քան 2500 բուսատեսակներ։ Բնական պայմաններին հարմարվել են 500 տեսակը։

Այգում աճում է նաև Կալիֆորնիական սեքվոյա։ Նրանք հինգն են և հատուկ պահպանման ու խնամքի տակ են։

Բուսաբանական այգու հիմնադրման հետ կապված ավանդույթը պատմում է․

Նիկոլայ Բ ցարը Հարավային Կովկասում շրջագայությունը վերջացնելուց հետո, հետդարձին հիվանդանում է թոքաբորբով: Կազդուրվելու համար նա իջևանում է Գյուլագարակ գյուղում: Դա սոճիների ծաղկման և փոշոտման շրջանն էր: Զբոսնելով սոճիների անտառում նրա առողջական վիճակը բարելավվել է: Ցարինն ուղեկցող Կովկասի փոխարքա Վորոնցովը դա կապել է սոճիների փոշու բուժիչ հատկության հետ: Ցարը հանձնարարում է շնչառական խնդիրներ ունեցող մարդկանց համար տվյալ վայրում առողջարան կառուցել: Շինարարությունը սկսվում է, բայց ինչ-ինչ պատճառներով չի ավարտվում:

Ապա, 1930-ական թվականներին թոքերի հիվանդությամբ տառապող Էդմոն Լեոնովիչն իմանալով Լոռվա բուժիչ օդի մասին, Թիֆլիսից եկել, այս տարածքում հյուղակ է պատրաստել՝ իր ապրելու համար։

Իմանալով այս մասին՝ ՀՀԿ առաջին քարտուղար Աղասի Խանջյանը որոշում է այստեղ բուսաբանական այգի և առողջարան հիմնել։ Նա ծանոթանալով Լեոնովիչի հետ՝ հենց իրեն հանձնարարում է այդ գործը։

 

 

 

 

 

 

 

Facebooktwittergoogle_pluslinkedin